Çdo gjuhë është një pasuri, një urë që lidh kultura, histori dhe njerëz të ndryshëm.
Në kuadër të kësaj dite, nxënësit e shkollës sonë në bashkëpunim me mësuesit e gjuhëve të huaja sollën një aktivet sensibilizues mbi rëndësinë, njohjen dhe ruajtjen e gjuhëve europiane, si mundësia më e mirë për Integrimin Evropian.
Nxënësit perceptuan këtë aktivitet si një hapësirë plot ngjyra, këngë, interpretime, kuriozitete dhe një ekspozitë të veçantë kushtuar gjuhëve europiane.
Çfarë do të gjeni aty?
Libra e lojëra në gjuhë të ndryshme që hapin dritare të reja mbi botën.
Thënie frymëzuese mbi bukurinë e gjuhëve.
Fakte dhe kuriozitete interesante mbi mënyrën si gjuhët ndikojnë tek identiteti ynë.
Kjo ditë është një kujtesë se sa e rëndësishme është të mësojmë gjuhë të reja, jo vetëm për komunikim, por edhe për të kuptuar më mirë njëri-tjetrin dhe për të ndërtuar ura miqësie e bashkëpunimi.