Në kuadër të Tetorit Rozë, muajit ndërkombëtar të ndërgjegjësimit për kancerin e gjirit, nxënësit e klasës 12-B zhvilluan një veprimtari sensibilizuese me qëllim që të theksojnë rëndësinë e parandalimit, kontrollit të rregullt dhe mbështetjes për gratë që përballen me këtë sëmundje.
Në fjalën e tyre, nxënësit u shprehën:
“Ne i bashkohemi me zemër kësaj nisme për ta jetuar Tetorin si muajin e solidaritetit dhe ndërgjegjësimit për kancerin e gjirit.
Ky muaj na kujton se parandalimi shpëton jetë dhe se zbulimi i hershëm bën diferencën.
Le të jemi pranë nënave, motrave, bashkëshorteve, bijave dhe mikeve tona duke i inkurajuar të kujdesen për shëndetin e tyre çdo ditë.
Sepse një grua e shëndetshme do të thotë një familje e lumtur dhe një familje e lumtur do të thotë një shoqëri e shëndetshme.”
Nëpërmjet kësaj nisme, shkolla jonë mbështet çdo përpjekje që nxit kujdesin, solidaritetin dhe shpresën duke i qëndruar pranë çdo gruaje me dashuri, forcë dhe respekt.